01/06/2015
Uda gustuko dugu arrazoi askogatik. Eguraldi ona, argi ordu gehiago, hondartza,… eta festibalak, ezin ahaztu festibalak. Euskadiz hitz egitea musikaz hitz egitea da, eta uda garaian festibalez hitz egin behar da.Aire zabalean ospatzen diren festibal bi azpimarratu behar baditugu horiek dira Azkena Rock Festibala eta Bilbao BBK Live. Musika onaren nazio mailako zein nazioarteko erreferente bihurtu diren festibalak.
Aurten Azkena Rock Festibalak bere hamalaugarren edizioa ospatuko du eta aurkeztuko digun kartela oso interesgarria da. Ekitaldi nagusia Texaseko ZZ Top banda izango da, Vitoria-Gasteizen lehen aldiz izango direnak. Rockaren bizardunik ospetsuenak azkenik beti ekarri nahi izan dituen festibalean egongo dira.
Beste proposamen indartsu bat Mastodon izango da, bere generoan bandarik garrantzitsuenetakoa. Bestelako banden artean aipagarriak dira Television, L7 edo D-Generation.Azkena Rock Festibala 2015 ekainaren 19 eta 20an ospatuko da Vitoria-Gasteizko Mendizabalako gunean.
Hamar edizio iragan dira Bilbao BBK Live jaio zenetik. Festibalak bere garapena izan du jatorrizko rock soinuetatik egungo joera indie eta genero ezberdinetara, nazio mailako panoraman festibalik jendetsuenetakoa bilakatuz. Arrakastak mugak ere gainditu ditu eta Bilboko festibala opor gune bihurtu da europar musikazale askorentzat.
Bilbao BBK Live 2015 uztailaren 9, 10 eta 11n ospatuko da ohiko bihurtu den Kobetamendi gunean. Kartelean artista eta banda handiak batzen dira hala nola Muse, Mumford and Sons, Alt-j edo Azealia Banks. Egitarau indie eta elektroniko berezia ere egongo da egungo soinuen aukera anitza eskainiz.
Festibalera hurbilduko zara baina kanpatzeko gogorik ez? Beti izango duzu Nekatur aukera. Gozatu atsedenik hoberenaz eta birkargatu pilak gure ostatuetako batean. Oso aproposak dira festibalerako zein Euskadiren hoberena ezagutzeko presta zaitezen.
Eguraldia