BESTE URRATS BAT JASANGARRITASUNERANTZ: NEKATURREK HITZARMENA SINATU DU RURAL KUTXAREKIN

Nekaturren landa-turismo jasangarriago, hurbilago eta arduratsuago baterantz urrats sendoak ematen jarraitzen dugu. Horregatik, lankidetza-hitzarmen bat sinatu dugu Rural Kutxarekin, gure inguruko gizartearen eta ingurumenaren garapenarekin konprometituta dagoen erakundearekin.

Akordio honek helburu argia du: gure landa-ostatuen trantsizio energetikoa babestea eta bisitatzen gaituzuenekin partekatzen ditugun jasangarritasun eta inklusio balioak indartzea.

Zer suposatzen du hitzarmen honek?

👉 Ostatu jasangarriagoetarako laguntzak

Nekatur elkarteari atxikitako nekazalturismoek, landetxeek eta landa-apartamentuek energia-eraginkortasunean eta energia berriztagarrietan inbertsioak egiteko diru-laguntzak jaso ahal izango dituzte. Horrela, ingurumenarekin arduratsuagoak diren ostatuak eta zuretzat erosoagoak diren egonaldiak lortzen ditugu.

👉 Iraunkortasun eta inklusio proiektuak bultzatzea

Hitzarmen horri esker, komunikazio- eta sentsibilizazio-ekimenak garatuko ditugu, bidaiariei gai hauetan kontzientzia harrarazteko: energia aurreztea, karbono-aztarna murriztea, birziklatzea eta naturarekiko errespetua. Izan ere, keinu txiki bakoitzak balio du.

Konpromiso partekatua

Bai Nekaturrek eta bai Rural Kutxak izaera sozial nabarmena eta gure ingurunearekiko konpromiso irmoa partekatzen dugu. Hitzarmen honek ez ditu gure ostatuak bakarrik sustatzen, turismoa ulertzeko dugun modua ere indartzen du: pertsonak, lurraldea eta natura beti lehenengo diren turismoa.

Zure zain gaude Euskadin, atea zabalik eta ziur baikaude elkarrekin etorkizun hobea eraikitzen ari garela landa-turismoarentzat.