01/03/2016
Bruce Springsteenek aspaldi utzi zion rock izar izateari musikaren mito bihurtzeko. Iparramerikako abeslari eta gitarrajoleak 40 urte baino gehiago daramatza belaunaldi ezberdinetarako ereserkiak oparituz. Born to Run, The River edo Born in the USA bezalako abestien egileak 20 Grammy, 2 Urrezko Globo eta Oscar bat lortu ditu. Maiatzaren 17an Springsteen Euskadin izango dugu berriz ere, Donostiako Anoeta estadioan hain zuzen ere, eta bertan benetako rockaz beteriko gaua oparituko digu.
Ez da gure Boss-a gure lurraldera datorren lehen aldia. Jadanik 5 aldiz ibili da hemendik. Bilbon izan da hiru alditan eta Donostiako estadioa beste bitan ere bete egin du. Bruce-ri Gipuzkoako hiriburuaz maitemintzea eragin zioten kontzertu ahaztezinak. Hurbila eta maitagarria, Bruce Springsteen Donostiaz maitemindurik dagoela ematen du. Ospetsuak dira bere bisitaldiak, Donostiako hondartzez edota gure gastronomiaren hoberenaz gozatzera, familiarekin batera egiten dituenak.
Abeslariari adinak ez dio eragiten eta nahiz eta 66 urte izan guztiz sasoiko ikusten da. Oholtzan dena ematen duenaren fama dauka, 3 eta 4 orduko saioak eskainiz. Kontzertu horietan lotura berezia sortzen da ikusleak eta beraren artean. Seguruenez gauza bera gertatuko da hurrengo maiatzaren 17an, non Anoeta estadio osoak Ongi Etorri! oihukatuko dion.
Kontzerturako sarrerak salgai jarriko dira hurrengo martxoaren 4an. Horietako bat lortzen duen zorioneko horietako bat bazara eta ostaturik behar baduzu laguntza emateko prest gaude. Inguruko Nekaturreko ostatuak pozez hartuko dituzte bakarra eta paregabea den Boss-aren zaleak.
Prest al zaude esperientzia ahaztezin baterako? Anoetan ikusiko dugu elkar!
Argazkia: Terry Smith (CC Flickr)
Eguraldia