04/05/2015
Maite ditugu azokak! Eta feriak, eta baita kalitate handiko produktuak, artisau lanak eta lehengai hoberenez egindakoak erosteko aukera ematen duten toki guztiak ere. Eta dena jai giroan. Ogia, eztia, gazta, pastelak... Gustuko dugu azokatan erostea! Eta ekaina horretarako aproposa da.
Nahi al duzu Bizkaia, Gipuzkoa eta Araban hurrengo asteotan galdu ezin diren hitzorduak errepasatzea? Prestatu zaitez gure lurreko azokarik hoberenetara ibilbidea egiteko.
Gure lehen geldialdia Rivabellosan egingo dugu, non hilak 7an azukre eta ogiaren azoka antolatzen den. Aste bat geroago Baranbioren txanda da, bertan egun bitxia ospatzen baita: Ahuntzaren eguna. Egun berean, baina Arabar Errioxan, Labastidako upategiak kalera ateratzen dira haien ardorik hoberenak ezagutzera emateko. Ardogintza maite dutenentzat data saihestezina. Araban inguruko azoka eta ferien ibilbidea burutzeko beste hitzordu bi: Gasteizko artisautza azoka hilaren 21ean eta Ondategiko zaldiaren azoka hilaren 28an.
Ibilbidea toki bitan abiatzen da hilaren 6an. Aukeran daukazu Barakaldoko gereziaren eguna edo Gernikan ospatzen den Urdaibaiko txakolinaren eguna. Gazta gustuko dutenek hitzorduan dute Bilbon ekainaren 13an non hiribilduaren Idiazabal gazten txapelketa ospatzen den. Ondoren hilaren 21ean Urduñako azoka daukagu eta bukatzeko Mungian baserritarraren eguna ospatzen da 28an.
Ibilbideari Tolosan ekingo diogu hilaren 5etik 7ra bertan bisiguaren festa ospatzen baita. Hurrengo geldialdia Hondarribian egingo dugu ekainaren 13-14an erdi aroko azoka ospatzeko. Ondoren Andoainera hurbiltzeko aukera daukagu, bertan San Juan azoka zoragarria ospatzen da 24an. Eibarren hilak 25ean galdu behar ez den marmitako txapelketa antolatzen da. Eta bukatzeko Beizamara hurbil gaitezke 28an bertako nekazal eta abere azokara.
Argazkia: Irekia (cc)
Eguraldia