01/01/2020
Oso gutxi falta da Donostian urteko egunik politenetakoa bizitzeko. Urtarrilaren 19tik 20rako goizaldean hiria gainditzen duen ekitaldia ospatzen da. Danborradaz ari gara, urtero Gipuzkoako hiriburua hunkitu egiten duena. Aurkeztuko al dizugu jaia?
Urtarrilaren 19tik 20rako gauerdia. Erlojuak hamabiak jo eta Gaztelubide sozietateak eta bestelako danborradetako ordezkariek bandera igotzea musikaz girotzen dute. Sarriegi maisuaren konposaketa klasikoak jotzen dira eta plazan bildutako guztiek abesten dituzte. Jaiak Konstituzio plazan abiatuta Donostiako beste kale guztiak hartzen ditu. Hiriko 24 ordurik zirraragarrienak hasten dira.
Egunsentian helduek ume donostiarrei ematen diete lekukoa. Urtero bezala haurren danborrada ospatzen da zeinean 50 konpainia baino gehiagok parte hartzen duten, gehienak Donostiako ikastetxeetatik etorritakoak. Gaztetxoak badira ere urtez urte egin ohi izan duten pasio berberarekin eramaten dute erritmoa.
Jaiak gauerdiraino irauten du hiritarrak konstituzio plazan biltzen diren arte. Kasu honetan Union Artesanaren txanda da, hiriko konpainiarik zaharrena hain zuzen ere. Danborrada honekin, San Sebastian martxarekin, eta bandera jaistearekin bukaera ematen zaie hiriko 24 orduko jai eta giro apartari. Seguruenez urteko 24 ordurik politenak.
Donostiako jendeak danborrada hiriaren esentzia ulertu ahal izateko derrigorrezko esperientzia dela esaten du. Egia esan danborrada gure lurraldeko ospakizunik bitxi eta interesgarrienetakoa da. Gauza ezberdin batez gozatzeko zain daukagu Donostia. Ez izan zalantzarik. Eta atseden hartzeko tokirik behar izanez gero gu laguntzeko prest gaude. Aukeratu gure nekazal turismo eta landa etxeen artean gustukoena eta prestatu zaitez Donostiako 24 ordurik zoragarrienak bizitzeko.
Nekaturretik jai berezia deskubritzeko gonbitea egiten dizugu. Donostiako kaleetan ikusiko dugu elkar!
Eguraldia