Elkartuko al zara Nekaturrera?

Lehenago aipatu dizugun bezala martxotik aurrera landa apartamentuak ere Nekaturreko kide izan daitezke. Gure elkarteak beti izan du eta izango du ostatu berrietarako atea irekita. Horregatik, nekazal turismo bat, landa etxe bat edo landa apartamentu bat badaukazu zatoz gu ezagutzera.

Burutzen ditugun jarduera ezberdinak ezagutarazi nahiko genituzke. Nekaturren era guztietako soluzio digitalak eskaintzen ditugu gure bazkideentzat. Heldu zaigun azken tresna check-in prozesua online eran egitearena da. Funtzio hau aurretiaz ezarrita zeuden besteak (erreserbak kudeatzeko app-a, nortasun agirietarako eskanerra, erregistroak Ertzaintzari bidaltzea edo kudeaketa programa) osotzera dator. Nekaturren beti egin dugu teknologia berrien alde, gure ostatuetako prozesuak erraztuz.

Azken asteotan lanean jarraitu dugu. Horri esker gure ostatuei edozein egoeratarako kontingentzia planen ereduak eskaintzeko gai izango gara. Desinfekzio produktu eta makina/konponbideak eskaintzen dituzten enpresekin elkarlanean aritu gara. Akordio ezberdinak lortu ditugu gure bazkideentzako desinfekzio produktuetan gastatzeko bonuak adostuz.

Uneoro izan gara ostatuetako arduradunekin kontaktuan, egoeraren, egin beharreko izapideen edota eska zitezkeen laguntzen inguruko edozein berri helaraziz. Online erako prestakuntzaren alde egin dugu, egoera berriak behartutako esparru ezberdinetara zuzendutakoa. Eta ostatuek bazkideei eskaintzeko erabili eta pertsonalizatu ahal izango duten gida turistikoa ere prestatu egin dugu.

Hau guztia azken asteotan egindako lanaren laburpen bat baino ez da. Gure helburua bazkideei zerbitzurik hoberena eskaintzea da beti. Nekaturren zu ere gurekin nahi zaitugu. Nekazal turismo bat, landa etxe bat edota landa apartamentu bat al daukazu? Gure elkartearen parte izan zaitezen nahiko genuke. Orain gainera bazkide kuota ordaintzeko modua malgutu egin dugu. Jar zaitez gurekin kontaktuan edozein informazio jasotzeko!