01/07/2018
Euskadiko hainbat udalerritan ekaina eta uztaila jaiekin loturik badatoz abuztuaren kasuan hiru hiri nagusienetako jaiak heltzen dira. Hilabete horretan zehar Vitoria-Gasteiz, Donostia eta Bilboko jaiak ospatzen dira, bakoitza bere pizgarriekin. Hilabete honetan gure buletinean jai egutegia errepasatuko dugu. Animatzen al zara?
Abuztuak 4, arratsaldeko seiak. Vitoria-Gasteizko Andre Maria Zurriaren plaza jendez betetzen da Zeledoni ongietorria emateko, jaiei hasiera ematen dien pertsonaia hain zuzen ere. Sei egunetan zehar Arabako hiriburua era guztietako ospakizunez betetzen da. Kontzertuak, su artifizialak, herri kirolak eta hainbat eta hainbat ekintza gustu eta adin guztietarako. Eta jarduera horiek guztiak gure lurraldeko arropa tradizionalekin jantzirik doazen blusek eta neskek animatuko dituzte.
Atseden hartzeko egun (gutxi) batzuen ondoren Donostiak hartuko du Vitoria-Gasteizko lekukoa. Abuztuaren 11n Donostiako Aste Nagusia abiatuko da, hiria bisitatzera joateko beste pizgarri bat. Egun horietan zehar Donostian era guztietako ospakizunak antolatzen dira baina guztien gainetik azpimarratzekoa da su artifizialen nazioarteko lehiaketa. Donostiako badiaren gaineko erakustaldi piroteknikoak euskal udaran bizi daitezkeen gauzarik ederrenen artean daude.
Donostiak amaiera ematen duen egun berean Bilbon abiatzen da jaia. Abuztuaren 18an Marijaia bere hirira bueltatuko da 9 egun jairi hasiera emateko. Konpartsek eragindako giro atseginak, kultur eskaintza zabalak eta era guztietako espektakuluek Bilboko Aste Nagusia urteroko ezinbesteko hitzordu bilakatu dute milaka eta milaka pertsonarentzat. Jai gunea, su artifizialak eta kontzertu handiak ere ez dira faltako.
Nekaturretik gure hirietako jaiez gozatzeko gonbitea luzatzen dizugu. Hiru horietako edozeinetan giro zoragarriaz gozatu ahal izango duzu. Eta beti bezala ongietorria izango zara gure edozein ostatutan. Begira itzazu gustuko dituzun jaietatik hurbileneko ostatuak eta presta zaitez denbora askoan ahaztuko ez dituzun jai egunak bizitzeko.
Eguraldia