01/07/2018
Hilabete honetan Bizkairantz joko dugu oso destino berezia aurkezteko. Destino horretan bista ederrak, hondartza ezagunak eta gastronomiarik hoberena aurkituko ditugu. Hilabete honetan Getxora hurbilduko gara, eskuin ibaiertzeko txokorik ederrenetakoa.
Getxoren historia XII. mendean hasten da gune horretan lehen asentamenduak ematen direnean, Algortan bereziki, non marinel adituen multzo garrantzitsu bat eratzen den. Zalantzarik gabe garairik distiratsuena XIX. mendean biziko da Areeta auzoa garatzen hasten denean. Bertan Getxoko erreferente turistiko eta historikoa aurkituko dugu: zubi esekia edo Bizkaia zubia.
Getxoko bilakaera izugarria izan da azken 100 urteotan. XX. mendearen hasieran Neguriko lorategi-hiria garatu zen, jauretxez beterikoa. Udalerri honek hirukoiztu egin zuen populazioa 20 urtetan. Gaur egun oraindik ere Bizkaiko kostaldeko tokirik idiliko eta interesgarrienetakoa da.
Bizkaia zubia: Zubi esekiak 125 urte bete ditu eta oraindik ere gure lurraldeko eraikinik garrantzitsuenetakoa da. Gaur egun erabilgarri dago eta Bilbo Handiaren beste ibaiertzera heltzeko modurik interesgarriena da.
Hondartzak: bost hondartza zenbatzen dira udalerri honetan, bakoitza bere ezaugarriekin. Portu zaharra: Algortan kokaturiko auzo honek urte askotan izan zen arrantzale herriaren xarma mantentzen du oraindik ere. Oso aproposa trago bat hartu edota itsasotik jasotako gutiziak dastatzeko.
Itsaslabarrak: Getxok itsaslabar zoragarriak dauzka eta bertan aurkituko ditugu turismoaren erreferente bilakatu diren Aixerrota errota edo Andra Mari eliza.
Nekaturretik ondorengo asteotan Getxo eta ingurunea deskubritzeko gonbitea luzatzen dizugu, udak kostaldeari ematen dion edertasunaz gozatzeko aukera izan dezazun. Eta beti bezala gure hurbileko ostatuak izango dituzu eskura egonaldia zoragarria izan dadin.
Eguraldia