01/09/2018
Udaren bukaera heltzear badago ere Euskadiko ekitaldi eta data interesgarrien eskaintza pil-pilean dago oraindik ere. Hona hemen zaletasun guztietarako derrigorrezkoak diren zenbait hitzordu. Musika, gastronomia, kirola,… Denetarik gustu guztietarako. Goazen bada!
Hurrengo azaroaren 11n Behobia-Donostia atletismoaren egutegian ezagunenetakoa den lasterketaren 54. edizioa ospatuko da. Irungo auzotik Gipuzkoako hiriburura doazen 20 kilometroak korrikalari eta ikuslez betetzen dira lasterketari xarma berezia eta zoragarria eskainiz. Lasterketak harrapatu egiten zaituela esaten da eta fede eman dezakegu.
Gernikako azken astelehenak gure lurraldearen benetako esentzia batzen duela esan al daiteke? Egia esan ez litzateke baieztapen okerra izango. Alde batetik udalerriaren azoka handia antolatzen da non gure lurraldearen produkturik hoberenak eskuratzeko aukera izango dugun. Hori guztiari bertsolariak, zesta eta pilota partidak edota gastronomiarik hoberena gehitzen badizkiogu euskal egutegiko jairik interesgarrienaren aurrean egon gaitezke.
Duela lau urtetik hona Vitoria-Gasteizek nazioarteko punk eta hardcore musikaren esparruan interesgarrienetakoa den festibala antolatzen du. Pixkanaka Gasteiz Calling haziz joan da musika mota honetako milaka jarraitzaile biltzea lortuz. Edizio honetan hainbat talde mitiko nabarmenduko dira, besteren artean NOFX eta Suicidal Tendencies kaliforniarrak edota Soziedad Alkoholika gasteiztarrak. Hitzordua? Azaroak 9 eta 10ean. Eta gehiago …
Udazkena oso interesgarri datorkigu Euskadin. Ezin ditugu Bilbon antolatuko den MTV sarien gala edo musikaren panoraman udazkenean interesgarrienen artean dagoen BIME festibala. Kirol frogak ere ospatuko dira: Hiru Handiak, Donostiako maratoia,… Eta ezin ahaztu Ardoaraba edo Rioja Alavesa Wine Run ospakizunak.
Ikusten duzunez hainbat dira Euskadin zain dauzkazun jarduera eta ospakizun interesgarriak. Bisita ezazu gure agenda eta etor zaitez gozatzera. Egonaldirik hoberena eskaintzeko prest izango gaituzu.
Eguraldia