01/02/2017
Otsailean hainbat jai egun agertzen zaigu. San Valentin ondoren Inauterien txanda heltzen da. 5000 urte baino gehiago dauzkan jai pagano honek badauka euskal abar bat. Gaurkoan gure eskualdeko inauteriei errepasoa egin nahi diegu, galdu ezin dituzun ohitura eta jaiak konpartituz.
Vitoria-Gasteizen antolatzen diren kalejira eta ospakizunez gain herrialdean zehar hainbat ospakizun interesgarri ematen da. Azpimarragarrienen artean Zalduondokoa. Bertan Markitos epaitzen da, urte osoko gertakizun ezkorrak irudikatzen dituen oihalezko pertsonaia. Herrian zehar bira egin ondoren epaitu egiten da eta azkenik erre egiten da ezkortasun hori guztiarekin bukatzeko. Aipagarriak dira besteren artean Laudio eta Amurrioko inauteriak ere, non ospakizun honetako pertsonaia eta ospakizun bereziak mantentzen diren.
Euskadiko inauteririk zaharrenetako bat Bizkaian ospatzen da, Mundakan hain zuzen ere. Jatorria XVIII. mendean dauka eta gaur egun ehunka urteko tradizioak mantentzen ditu. Atorren- jaietan zuriz jantzita parte hartzen duten gazteen- kantuak oso ospetsuak dira. Emakumeak aldiz haiekin kontrastean beltzez jantzirik joaten dira. Aipatzekoak lirateke bestalde Ondarroa eta Bilboko inauteriak oso tradizio errotua baitaukate.
Gipuzkoan inauteriez ari bagara mediatikoenak aipatuz egin behar dugu. Tolosan oso inauteri polit eta jendetsuak antolatzen dira, toki guztietako pertsonak erakartzen dituztenak. Nahiz eta 40 urtez debekaturik egon jai egun eta izen ezberdinekin ezkutatzen jakin zuten eta gaur egun jai ospakizun bat baino gehiago dira udalerrian. Aipatzekoak dira Eibar eta Oiartzungoak ere.
Inauteriak ospakizunik garrantzitsuenak dira euskal udalerri askorentzat. Nekaturretik euskal kultur eta folklorean hain erroturik dagoen ospakizun hau ezagutzera etortzeko gonbitea luzatzen dizugu. Aurki ezazu Nekaturreko ostaturen bat aukeratutako destinotik hurbil eta gozatu giro aparta ziurtatzen dizun ehunka urteko jai honetaz.
Eguraldia