Konektatu berriz ere Euskadirekin

Uda berri bat jaio da, oso uda ezberdina izango dena. Eguraldi ona dator, gure lurraldeari hain ongi datorkiona. Uda…ezberdin…honetan, Euskadirekin berriz ere konektatzeko gonbitea luzatuko dizugu. Gure ingurune honek deskubritzeko, gozatzeko eta bizitzeko hamaika txoko dauzka.

Kostaldea benetan ederra da. Kantauriar itsasoak ahozabalik utziko zaituzten paisaia, hondartza eta herriak eskaintzen dizkigu. Donostiako hareatza, Plentziako hondartza, Bermeo, Deba, Laga, Zarautz… Ezagutzen al duzu Zumaiako flyscha? Eta Urdaibai?

Euskal kostaldea zoragarria da baina barnealdea ere ez da atzean geratzen. Araban gure lurraldeko paisaiarik eder eta bitxienetakoak aurkituko dituzu. Bertan gatz haran bat zein planetako ardogintzarako eskualderik interesgarrienetako bat aurkituko dituzu. Arabako Errioxa ezinbesteko destinoa da ardozaleentzako. Eta ezin ahaztu Vitoria-Gasteiz, Green Capital ospetsua.

Eta Euskadiko parke naturalak? Babestutako 9 espazio, bakoitza bere ezaugarri bereziekin, paisaia errepikaezinak eskainiz. Naturarekiko maitasunez gordetzen ditugun paradisuak.

Ez dugu ahaztu behar Bilbo, azken urteotako europar hiririk interesgarrienetakoa. Ezta Donostia ere, haren edertasunagatik eta Michelin izarren galaxia oso baten epizentroa delako.

Euskadin zain daukazunaren laburpen bat baino ez da hau. Gauza asko gelditu dira aipatu gabe, jakin badakigu, baina ezinezkoa litzateke gure lurraldearen gauza interesgarri guztien zerrenda artikulu bakar batean aipatzea. Zure kontura deskubritu ditzazun gonbitea luzatzen dizugu. Aukeratu gustukoen duzun Nekaturreko ostatua eta konektatu berriz ere gure lurraldearekin, ez dizu hutsik egingo. Guk gure aldetik esperientziarik hoberena eskainiko dizugu. Ikusiko al dugu elkar uda honetan? Plazer bat izango litzateke.