01/07/2016
Abuztuan zehar euskal herrialdeetako hiru hiriburuetan jai nagusiak ospatzen dira. Andre Maria Zuriaren jaiak eta Donostia eta Bilboko Aste Nagusiak ohikoak dira jende parrandazalearen agendan. Birpasatuko al ditugu hiru hitzordu hauek? Hartu zapia eta jantzi lepoan, “jai modua” piztu dugu eta!
Urtero bezala Arabako hiriburua lehena izango da haren jai nagusia ospatzen. Beste urte batez, Zeledon San Migel elizako dorretik jaitsiko da milaka eta milaka bizilagun eta bisitariz gainezka egongo den Andre Maria Zuriaren plazaraino.
Txupinazoaren ondoren era guztietako ekitaldiz josirik egongo diren 6 jai egun izango ditugu aurretik. Su artifizialak, folklorea eta nola ez kontzertu pilo bat. Aurtengo Andre Maria Zuriaren jaietan izen ospetsuak izango dira, hala nola Izal, Celtas Cortos edo DVicio.
Gipuzkoako hiriburuak Vitoria-Gasteizek emango dion lekukoa hartuko du. Donostiako Aste Nagusia abuztuaren 13an hasiko da kanoikada klasikoarekin eta hilaren 20a bitartean Donostia jaietan izango da. Ez dira kontzertuak faltako (Ken Zazpi, Fangoria, Sweet California,…) ezta urteroko su artifizialen nazioarteko txapelketa zoragarria.
Donostiako badia toki zoragarria eta bakarra da piroteknia espektakuluetarako. Haien ospea mundu mailakoa da eta pixkanaka Aste Nagusiaren ekitaldi nagusi bilakatu dira. Aurten berriz ere jai gauetan gozatzeko aukera izango dugu. Ezin dituzu galdu!
Donostiak ateak itxi eta aldi berean Bilbon irekiko dira. Bizkaiko hiriburuak haren Aste Nagusia ospatuko du abuztuaren 20tik 28ra. Beti bezala Marijaia Aste Nagusiaren hasieran eta azken agurrean azalduko da.
Konfirmatutako kontzertuen artean ondokoak azpimarratuko ditugu: Edurne, Mägo de Oz edo Carlos Baute. Ez dira su artifizialen erakustaldiak ezta Aste Nagusiaren arima diren Bilboko konpartsen txosnak faltako.
Andre Maria Zuriaren jaietarako edo beste Aste Nagusi bietako baterako ostaturik behar baduzu begira ezazu Nekaturrek egiten dizun eskaintza. Inguruetan hainbat dauzkazu, guztiak kalitate goreneko egonaldi ahaztezina eskaintzeko prest. Ikusiko al dugu elkar?
Eguraldia