Aizkorri-Aratzeko parke naturala (Araba)

Parque Natural de Aizkorri-Aratz (Araba)

Aizkorri-Aratz Parke Naturala

Aizkorri-Aratz mendilerroak Atlantikoko eta Mediterraneoko isurialdeen banalerroko mendirik garaienak ditu (Aitxuri, 1.551 m). Horiek gailurreria ederra osatzen dute eta erreferente dira euskal mendigoizaleentzat. 2006an izendatu zuten parke natural, eta, guztira, 16.000 hektarea ditu naturguneak; 13.000 Gipuzkoan eta 3.000 Araban.

Sailkapena:
Natur Parkeak

Udalerriak:
Araba: Asparrena, Barrundia, Donemiliaga/San Millán, Zalduondo.
Gipuzkoa: Aretxabaleta, Zegama, Zerain, Eskoriatza, Legazpi, Oñati, Leintz-Gatzaga.

Informazioa:
Aizkorri-Aratz Parketxea Araian
Tel.: 945 38 69 64 / 688 62 99 32

Aizkorri-Aratz Parke Naturaleko Interpretazio Zentroa Arantzazun
Tel: 943 78 28 94

Arabako Lautadako Kuadrilla
Tel: 945 30 29 31

Urbiako fonda
Tel: 943 78 13 16 - 943 58 50 30

Oñatiko Turismo Bulegoa
Tel: 943 78 34 53

Zegamako Turismo Bulegoa
Tel: 943 80 21 87

Debagoienako Turismo Bulegoa eta Interpretazio Zentroa, Arantzazu Santutegian
Tel: 943 71 89 11

E-mail: turismo@debagoiena.eus
www.turismodebagoiena.com

Zerbitzuak:

Intereseko datuak:

Nola iritsi Ikusi Mapan

Deskribapena

Aizkorri-Aratz Natur Parkea

Aizkorri-Aratz Parke Naturalak 19.400 hektareako azalera du eta Altzania, Aratz, Aizkorri, Urkilla, Zaraia edo Aitxuri tontorrek eratutako lerroak, Bizkaiko Golkoa eta Mediterraneoaren urak banatzen ditu. Bertan sortzen dira Gipuzkoako ibai nagusietako hiru: Deba, Urola eta Oria.
Kareharria da nagusi bertan, hari loturiko paisaia eta egiturak, mendikatearen ezaugarri adierazgarrienetarikoak direlarik. Lurpeko uren zirkulazioak, esaterako, galeria-sare handiak sortu ditu. Bestetik, Aizkorri-Aratz Parke Naturalak gordetzen duen kultura-ondarea ere nabarmena da.
Naturaz gozatzeaz gain, erlijio-gune garrantzitsua den Arantzazuko Santutegia, monumentu megalitikoak, ikazkintza eta abeltzaintzarekin loturiko hainbat egitura bertatik bertara ezagutzeko aukera ere badago Aizkorri-Aratz natur parkean.

Natura
Flora: Ameztiek, pagadiek, mendiko larreek eta koniferoen baso-sailek estaltzen dute Aizkorri-Aratz Parke Naturalaren eremurik handiena. Aberastasun handiko naturgune honetan, landaredia berezia duten inguruak daude eta gailurretan hazten den flora ere aipagarria da.
Fauna: Ekosistemen aniztasunak bere isla du bertan bizi diren espezieetan: gailurretako uhandrea, baso igel iberiarra, belatz handia, sai arrea, sai zuria, belatxinga mokohoria, belatxinga mokogorria, elur-lursagua, lepahoria, ipurtatsa, basakatua, hainbat saguzar- espezie... Bestalde, udaberritik udazken bukaera arte ohikoa da ardi latxak goiko larreetan bazkan ikustea.

Kultura
Gizakiaren presentzia inguru honetan milaka urteko historia du. Bertan ibilitako gizakiek utzitako aztarnarik nabarmenenak monumentu megalitikoak dira. Artzaintzak, ikazkintzak eta bestelako jarduerek ere bere arrastoa utzi dute. Bestalde, bereziki aipagarria Arantzazuko Santutegiaren presentzia, sinesmen eta kulturaren gune garrantzitsua den heinean.
Haiekin batera, Arrikrutzeko kobak ere ingurunearen kultura-ondarearen berri ematen du.

Sarbidea
Araban bertan gaudela, tokiko A-3012 errepidean barrena, hainbat irteera ditugu: Egino, Marieta, Araia, Zalduondo.

Azalera
14.626 hektarea